Пред евентуалното продолжување на сезоната во најсилната германска фудбалска лига, челниците раководството донесе мерки со цел за заштита на судиите.

Нема да важат географските ограничувања, а тоа значи дека арбитрите ќе можат да судат натпревари на екипи од нивните региони.

Одлучено е да се минимизира времето за патување, така што судиите ќе треба да дојдат до стадионот со своите автомобили. Забранети ќе бидат прошетките во градот пред натпревари и престојот во хотелите.

Си останува годишната основна плата од 60.000 до 80.000 илјади евра, а надоместокот за секој меч да варира од 1250 до 5000 евра.

Пред секој натпревар судиите ќе одат на редовни тестови за коронавирус. Контролорите што ја оценуваат работата на судијата ќе работат од дома и ќе ги подготват своите извештаи врз основа на она што го виделе на телевизија.

Во ВАР центарот во Келн, ќе бидат поставени прегради од плексиглас помеѓу видео судиите и нивните асистенти. Покрај тоа, сите треба да носат маски.

И натаму нема официјален датум кога би била продолжена сезоната во Бундес лигата, но се шпекулира дека тоа ќе се случи во првите недели од мај.