„Бум“ во НБА: Харден и Вестбрук повторно заедно!

twitter.com/ESPNStatsInfo

Оклахома Сити го смени бекот Расел Вестбрук со Крис Пол во договор со Хјустон од кој го доби и правото на противникот за избор во првиот круг на Драфтот во 2024 и 2026 година, како и можност да користи уште два избори во 2021 и 2025 година.

Во Хјустон, 30-годишниот Вестбрук ќе биде повторно соиграч со Џејмс Харден со кого играа заедно во Оклахома Сити во периодот 2009-2012 година, а во последната сезона стигнаа до финалето во НБА.

Најдобриот реализатор во Лигата во последната кампања, Вестбрук запиша просечно „трипл-дабл” за трета сезона по ред во 2018/2019, која ја заврши со 22.9 поени, 11.1 скока и 10.7 асистенции во 73 натпревари.

Договорот му е за четири години во вредност од 171.2 милиони долари, вклучувајќи и опција за откупување од играчот за 47.1 милиони долари за сезоната 2022/2023.

Деветкратниот учесник во Натпреварот на ѕвездите, Пол постигнуваше просечно 15,6 поени, 8,2 асистенции, 4,6 скока и 2,0 украдени топки во 58 натпревари минатата сезона. Договорот му е за три години во вредност од 124.1 милиони долари со опција за откупување за 44.2 милиони долари во сезоната 2021/2022.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот