На пазарот на криптовалути продолжува претежно „биковскиот“ тренд, што посебно се однесува на алткоините. Втората по популарност дигитална валута – етериум забрзано се движи кон границата до 4.000 долари, бидејќи во последните 24 часа постави нов рекорд со цената од 3.980 долари.

Тоа е раст од 10 проценти, а моментално вредност на етериумот се движи околу 3.930 долари.

И најстарата и најпозната криптовалута – биткоинот продолжува да расте и утрово околу 9.30 часот повторно ја прескокна магичната граница од 60.000 долари. Имено, неговата цена беше 60.730 долари.

Моментално со биткоинот се тргува по цена од околу 58.200 долари.

Пазарната капитализација и натаму е на милијарда долари.

Инаку, инвестициската банка Голдман Сакс почна да тргува со криптовалути и во четвртокот го извесни својот персонал за берзи дека новоотвореното одделение за криптовалути успешно тргувало со два вида деривати поврзани со биткоините, според интерниот меморандум кој ексклузивно го доби СиЕнБиСи.

Во регионот, криптовалутите се присутни во Србија, каде најголемата фарма за јапонски препелици во Драгачево воведе плаќање на своите производи во биткоин и етериум.