Бугарско МНР: Позицијата на Бугарија за С. Македонија останува непроменета, Софија е отворена за дијалог

Бугарија МНР/ фото: ЕПА

Владата на Бугарија ја одобри позицијата за учество на состанокот на Советот за општи работи, што ќе се одржи на 22 јуни 2021 година во Луксембург, соопшти бугарското Министерство за надворешни работи.

Советот ќе размени мислења за политиката на проширување на ЕУ и за процесот на стабилизација и асоцијација и ќе го подготви вонредниот состанок на Европскиот совет на 24-25 јуни 2021 година, кој ќе ги вклучува, како што јави дописникот на МИА од Софија, темите КОВИД- 19, економско закрепнување, надворешните аспекти на миграцијата, односите меѓу ЕК и Русија, актуелните случувања во источен медитеран и односите меѓу ЕУ и Турција.

Во однос на Северна Македонија, како што јави дописникот на МИА од Софија, во делот за политиката на проширување на ЕУ и европската перспектива на Република Северна Македонија во позицијата усвоена од бугарската Влада се вели дека земјата се придржува до Декларацијата на бугарското Собрание од 10 октомври 2019 година и рамковната позиција за европската перспектива на Република Северна Македонија, усвоена на 9 октомври 2019 година.

Позицијата на Бугарија во врска со преговарачката рамка и одржувањето на меѓувладината конференција со Република Северна Македонија останува непроменета. Преговарачката рамка за пристапување на Република Северна Македонија во ЕУ треба да ги содржи неопходните гаранции во врска со спроведувањето на Договорот од 2017 година, кои во моментов не постојат. Во ставот на бугарското МНР, се наведува и дека не се исполнети условите за одржување на меѓувладината конференција.

Како заклучок, бугарското МНР нагласува дека, во исто време Бугарија останува отворена за дијалог и презема чекори за градење доверба и враќање кон прагматичен и конструктивен дијалог.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот