Бугарскиот премиер Борисов е позитивен на коронавирусот
Премиерот на Бугарија, Бојко Борисов е позитивен на коронавирусот, потврди тој самиот преку Фејсбук. Борисов вчера соопшти дека заминува во изолација откако заменик-министерот за регионален развој во неговата влада, Николај Нанков објави дека е позитивен на коронавирус.
„Иако РЗИ официјално го укина мојот карантин, јас во петокот ги одложив сите состаноци и јавни настани за наредните денови. По двата направени PCR-теста од денеска сум позитивен на ковид-19.
Во принцип, имам општа слабост и лошо се чуствувам, во моментот, и по совет на лекарите, останувам на домашно лекување. Сите контакти со мене се доставени до РЗИ, напиша Борисов, кој додаде дека почитувајќи ги мерките, сигурен е дека вирусот ќе помине.