13 C
Скопје

Бугарскиот министер за здравство: Лекарите се уморни, истоштени, а дел од нив и заразени

Министерот за здравство на Бугарија, Костадин Ангелов, денеска предупреди дека најголемиот проблем на здравствениот систем е фактот дека здравствените работници од првата линија на фронтот против ковид-19 се уморни и исцрпени, многумина заразени, односно во карантин, а некои и на интензивна нега. Во моментов се заразени 1.727 медицински работници, јави БТА.

Ангелов во Парламентот рече дека Бугарија влегува во многу сериозна фаза на епидемијата и дека на болниците ќе им треба поддршка од општите лекари и студентите од последната година по медицина.

Тој, исто така, рече дека за време на неговата посета на здравствени установи низ државата, увидел дека има драматичен недостиг од специјалисти во оддалечени места во внатрешноста.

Денеска стапи во сила новата одлука на Министерството за здравство за задолжително носење на маски и на отворено кога не е можно да се почитува препораката за одржување физичко растојание.

– Рестораните и ноќните клубови во Бугарија ќе треба да воведат нови мерки, кои вклучуваат по едно лице на два квадратни метри, рече Ангелов.

Според него, целта на новата мерка е да се зголеми растојанието помеѓу луѓето со цел да се спречи ширењето на вирусот. Досега, мерката беше едно лице на метар квадратен.

Ангелов рече и дека полицијата и регионалните здравствени инспектори ќе вршат проверки и ќе изрекуваат казни за непочитување на мерката.

Во последните 24 часа, во Бугарија повторно е регистриран рекорден број од 1.472, нови случаи на коронавирус.

Поврзани вести

МОН: На средбата со родителите малку се посвети внимание на дигитализацијата, тоа што се зборуваше е спротивно на законските решенија

Михаило Донев

ЕУ планира да забрани плаќање во готово за износ над 10.000 евра

Слободен печат

Почнува Делфи економскиот форум во Атина, ќе учествуваат Заев, Димитров и Нуредини

Слободен печат

Ѓорче Петров: Граѓаните ќе протестираат додека општината не се фати за работа

Си-Ен-Ен: Можно е хакерите кои го изведоа нападот врз „Колонијал гасовод” да се поврзани со Русија

Слободен печат

Д-р Јовановска: Жалам за изгубениот млад живот, но не е точно дека се пресечени црева наместо папочна врвка

Остави Коментар