Бугарскиот историчар Воин Божинов, член на Институтот за историски истражувања при Бугарската академија на науките во интервју за БНР зборуваше за постоење на „антибугарска хистерија“ во Македонија што според него „покажува дека македонизмот не е само идеологија, туку и ментално отстапување“. 

– Можеби таму мислат дека ќе го мобилизираат општеството за каузата – преговори со Европската унија. Добро е познато дека омразата носи негативна реакција. Тие мора да сфатат дека ова не е пристапот, смета Божинов.

Според него, самодовербата на РСМ доаѓа од политичката класа израсната во социјалистичка Југославија и од фактот дека солидни европски земји стојат зад земјата.

„Крајно време е земја како Германија да каже каква позиција зазема и јасно да каже дали стои зад членка на Европската унија или зад земја која е кандидат за Европската унија. Очигледно Германија има политички и економски интереси на Балканот. Проширувањето на ЕУ значи проширување на германското влијание во нашиот регион “, смета историчарот Божинов.

Тој додава дека и Бугарија дава различни сигнали.

„Големи се надежите во Скопје дека можат да направат чекор напред по изборите во Бугарија. Средбата на Бучковски со Корнелија Нинова беше многу интересна бидејќи скопската страна очигледно сакаше да ги испита плановите на најголемата опозициска партија. Но, тој ја напушти Софија со подвиткана опашка. Нашата дипломатија мора да има крајно рафинирани начини на дејствување – од една страна да ги заштити нашите национални интереси, а од друга – да покаже дека Република Северна Македонија има место во нашето европско семејство со цел да во него не започнуваат никакви деструктивни процеси, што може да доведе до негово распаѓање. Наш општ интерес е PCM да постои како независна држава, бидејќи нејзиното присуство на картата ја раскинува копнената врска помеѓу Србите и Грците, што е од голем интерес за нас, бидејќи ова е граница што отсекогаш ја гушеше Бугарија, вели бугарскиот историчар во емисијата „Политички Некоректно“ за бугарското радио.

Според Воин Божинов, новоизбраниот претседател на САД Џо Бајден нема да биде водечка фигура во надворешната политика, но притисокот од Вашингтон за ова прашање ќе расте.

„Евентуалното одложување на процесите на европска интеграција во РСМ ќе покрене сериозни прашања. Една од нив е за обединување на Албанците во ЕУ, бидејќи ако не го добијат она што го сакаат, можат да ја свртат другата страна на плочата “.

Извор: БНР.бг