Бугарски „Дневник“ открива зошто Бугарија го блокираше договорот со Фронтекс

Знаме на РСМ и Република Бугарија / Фото: Архива на Слободен печат

Бугарија е единствената држава која го блокира важниот договор за гранично управување меѓу Македонија и европската служба за безбедност, Фронтекс, а проблемот во „македонскиот јазик“, пишува бугарскиот „Дневник“, повикувајќи се на изјава од портпарол на Европската комисија.

Се работи за договор за кој разговорите се почнати во јули 2018 година и кој му овозможува на Фронтекс да спроведува операции и да испраќа свои тимови во граничните региони на ЕУ со цел справување со нелегалната миграција.

Црна Гора и Србија, како што пишува весникот, веќе имаат склучено вакви договори кои се применуваат од ова лето, а со Албанија уште во мај лани кога Фронтекст ја започна првата операција на територија на земја сосед на ЕУ која се уште не е членка.

-Договорот со Фронтекс е втората тема за која Бугарија поставува пречка за Македонија на европско ниво. Првата е почетокот на преговорите на Скопје со ЕУ, условен со напредок во однос на спорните прашања од историјата, употребата на ‘македонски јазик‘ и теми како што е македонското малцинство кое Северна Македонија има обврска да не го промовира и поддржува според Договорот за добрососедство. Во рамковната позиција на Бугарија се бара Северна Македонија да се воздржи од употребата на изразот ‘македонски јазик‘, чие постоење Софија не го признава“, пишува бугарскиот весник.

Во текстот уште се додава дека основното барање на Софија до Скопје е придржување кон Договорот за добрососедство но, иако позицијата на Бугарија за македонскиот јазик е позната е со години непроменета, тоа не е дел од Договорот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот