Поранешниот бугарски премиер и лидер на партијата ГЕРБ, Бојко Борисов, неговата советничка за медиуми Севдалина Арнаудова, поранешната пратеничка Менда Стојанова и поранешниот министер за финансии Владислав Горанов вечерва се приведени во голема полициска акција, јавуваат бугарските медиуми.

Полицијата влегла во домот на поранешниот премиер во софиската населба Банкја.

Полицајци ги пребаруваат и домовите на други високи поранешни функционери. Објаснувањето од полицијата е „итна проверка”. Истите контроли се вршат и во домовите на претставници на големиот бизнис.

„Никој не е над законот” напиша премиерот Кирил Петков на својот Фејсбук профил.