Бугарка ја продала ќерка си за 100 евра, а потоа следел ПЕКОЛ
Жена (54), која во Бугарија ја продала ќерка си на друга жена за 100 евра, одговарала пред судот во Германија откако е обвинета дека во 2006 година, тогашната 15-годишна тинејџерка ја одвела во Дортмунд и терала на проституција.
„Само плачев“, изјавила жртвата која денес има 29 години, на почетокот од судењето во покраинскиот суд на Дортмунд.
Во тужбата е наведено дека обвинетата, која исто така е Бугарка, ја упатила жртвата во сексуалната пракса за потоа да ја присилува на проституција во јавна куќа во Дортмунд, ветувајќи и награди.
Уште првата вечер тинејџерката имала 8 муштерии, а според сопствените зборови, не знаела што ја очекува во Германија.
„Не знаев што ќе правам во Германија“, изјавила таа во судот.
„Отидов само поради тоа што мајка ми рече така да направам“
Се што заработувала морала да предаде на својата „мачителка“, а кога во една прилика сокрила 80 евра во градникот, добила ќотек. Таа не се осудувала да побегне бидејќи била премногу исплашена.
Сопругот на Бугарката бил осуден на 5 години и 8 месеци затвор, меѓу другото, поради трговија со луѓе во областа на сексуално искористување, а неговата сопруга била подоцна уапсена.