Бугарин со специјално модифицирано возило се обидел да внесе 30 килограми хероин во Србија
Дрогата била сокриена во посебно изработени бункери под хаубата, кај задниот браник, во подот на возилото, како и во празнините на предното десно тркало.
На граничниот премин Градина српските цариници запленија повеќе од 30 килограми хероин и уапсија бугарски државјанин со иницијали З.Г. (45), поради сомнение дека извршил кривично дело неовластено производство и ставање во промет на опојни дроги.
Српската полиција, на влез во нивната земја, за време на преглед на возило со бугарски регистарски ознаки, со кое управувал осомничениот З.Г. пронашла 30,4 килограми хероин, спакувани во 57 пакети.
Дрогата била сокриена во посебно изработени бункери под хаубата, кај задниот браник, во подот на возилото, како и во празнините на предното десно тркало.
На осомничениот му е одреден притвор од 48 часа, и тој, со кривична пријава, ќе биде приведен во надлежното обвинителство.
Акцијата ја предводеле припадниците на српското МВР, Управата на граничната полиција во сорабока со Управата на царината.