Бугарија денеска ги отвора вратите на училиштата, откако тие беа затворени по прогласувањето на пандемијата со коронавирусот. Премиерот Бојко Борисов, преку фејсбук на учениците им го честиташе првиот училишен ден и најави повисоки плати за наставниците.
„Среќен прв ден на училиште! На сите деца, нивните родители и наставници им посакувам здравје, успех и мирни денови! Во услови на коронавирус, верувам дека проблемите ќе ги решиме заедно, барајќи најдобри решенија.
Не можам, а да не забележам дека бугарскиот образовен систем се справувал на достоинствен начин во услови на епидемија. Воведувањето на учење од далечина сигурно не беше лесно, но најважно, учебната година и испитите беа успешно завршени. Наставници и ученици, директори и родители – сите учествуваа во процесот и докажаа дека кога работат заедно, успехот е загарантиран. Оваа претстојна учебна година сигурно ќе има уште многу предизвици, но сигурен сум дека ќе се најдат најдобрите решенија. За нас здравјето на децата и нивните најблиски останува најважно и ќе најдеме начин децата да бидат во нивната природна средина – на училиште, заедно со нивните наставници и пријатели. За прв пат по половина година децата ќе ги посетат училиштата. Сега сите треба да внимаваат и да ги следат препораките на епидемиолозите.. Тие се важни и не треба да се игнорираат. Вирусот е сеуште меѓу нас.
Продолжуваме со политиката на зголемување на платите на наставниците. И во новата година растот ќе биде над 15 %. Вака ќе ги исполниме целите поставени на почетокот за двојно зголемување на платите на наставниците за 4 години. Наставниците заслужуваат уште повеќе и нема да престанеме да правиме напори во таа насока. Убеден сум дека најголема гаранција за просперитет на Бугарија на долг рок е образованието и инвестицијата во Бугарија! Со среќа на сите!“, напиша Борисов на својот Фејсбук профил.
Видео на денот