Бугарскиот премиер Бојко Борисов ја прифати оставката од министерот за заштита на животна средина Нено Димов. Таа била испратена во канцеларијата на премиерот, информираше Советот на министри, а пренесе „Новините“.

Претходно денес, беше свикан итен состнок меѓу премиерот Бојко Борисов и колицискиот партнер во владата и министер за одбрана на Бугарија, Красимир Каракачанов, каде било разговарано за одлуката.

Нено Димов ја помина ноќта во притвор, каде бил испрашуван од полицијата за рестрикциите на вода во градот Перник и за нерегуларности при увоз на отпад.

Се разгледуваат документи поврзани со лиценци за компании кои имаат право да увезуваат отпад во Бугарија, а останува непознато дали тој ќе биде обвинет.