Легендарниот Џанлуиџи Буфон се договори со „старата дама“ да биде дел од екипата и наредната сезона.

Според „Тутоспорт“, 43-годишниот голман уште минатата недела со претседателот Андреа Ањели се договорил за ново едногодишно продолжување на договорот.

Буфон кога ќе заврши пандемијата на коронавирусот, веднаш ќе го потпише договорот со Јувентус, а кој е идентичен како актуелниот.

Медиумите во Италија објавуваат дека Буфон не размислува за пензија и со Ањели се договориле и наредното лето да седнат и повторно да разговараат дали легендарниот голман ќе продолжи да брани или ќе замине во пензија и ќе добие директорска функција во Јувентус.

Џанлуиџи Буфон, оваа сезона е резерва на Војчех Шчесни, но одигра седум натпревари во Серија А и уште четири во Купот на Италија и Лигата на шампионите на кои прими девет гола.