Будуќност не се предава, ја совлада Црвена звезда и го продолжи финалето во АБА лигата

фото: www.aba-liga.com/

Кошаркарите на Будуќност со 75:71 ја совладаа Црвена звезда во третиот финален натпревар во АБА лигата и го задржаа шансите за титулата. По три натпревари во финалната серија, Црвена звезда води со 2:1 во победи, а наредниот четврти натпревар ќе се игра во понеделник, исто така во Подгорица.

Будуќност до победата дојде највеќе по заслуга на Дела Вале кој во возбудливиот финиш прво при водство на неговиот тим од 70:69 погоди тројка, а потоа од линијата за слободни фрлања ја потврди победата.
Токму Дела Вале со 19 поени беше најпрецизен во тимот на Будуќност, а добра партија прикажаа и Ивановиќ и Николиќ со по 11 поени. Во редовите на Црвена звезда, најдобар беше Лојд со 19 поени, додека Добриќ постигна 17.
Фото: АБА Лига

Видео на денот