Општина Карпош трета година по ред организира онлајн прашалник за креирање на Буџетот за 2021 година, а оваа година го пополнија 806 граѓани од сите урбани заедници.

-Сите проблеми, забелешки и идеи кои беа посочени од граѓаните се дистрибуирани до соодветните одделенија и сектори при општината. Во процесот на креирање на буџетските програми, секоја од забелелешките ќе биде разгледана и согласно можностите и надлежноста ќе се интегрира во новиот Буџет на локалната самоуправа за 2021 година, информираат од општината.

Како најактивни во пополнување на анкетниот прашалник биле граѓаните од Тафталиџе, Карпош 4, Карпош 1 и Карпош 2, а најистакнати предлози се на темите инфраструктура, екологија и урбанизам.

Минатата година анкетниот прашалник го пополниле 504 граѓани, додека оваа година постои забележителен раст од 806 граѓани.

Во тек е изработка на теренска анкета,на репрезентативен примерок од најмалку 1.000 граѓани, која исто така ќе помогне во подготовката на новиот буџет.