Врховниот суд на Тајланд ја донесе својата конечна пресуда за убиството на британските туристи во септември 2014 година на островот Кох Тао.

Мигрантите од Мјанмар Ваи Фијо и Зав Лин се осудени на смртна казна за суровиот случај кој со години беше тема во светските медиуми и направија врвот на тајландската полиција да е под постојан притисок светската јавност дела се неспособни и корумпирани.

Двајцата работници на „рајскиот остров“ го признаа убиството на Дејвид Милер и Хана Витерџи, но подоцна во судот рекоа дека тоа го сториле под принуда. Со други зборови, тие тврдеа дека биле малтретирани од полицијата.

Исто така, нивните адвокати тврдеа дека со години сите докази биле менувани и контаминирани.

Прекрасното островче среде Тајландскиот Залив по ова брутално убиство го добило прекарот „остров на смртта“, па дури и по тој случај, доживеаја неколку шокантни смртни случаи и исчезнувања на туристи од Западот….

Тајландските медиуми објавија дека осудените убијци не покажале никаква емоција по пресудата и дека се уште имаат надеж дека ќе добијат прошка од кралот во наредните 60 дена.

Бруталното убиство на британските туристи се случи пред пет години и за многу кратко време веста од „рајскиот остров“ стана светска вест. Нивните тела беа пронајдени на плажа – Хана беше силувана и претепана до смрт, додека Дејвид беше убиен со повеќе удари во главата.

Убиствата во краток временски период и наштети на тајландската туристичка индустрија, која учествува со 10 проценти од БДП-то на земјата. Набргу по пронаоѓање жртвите, осомничените беа уапсени и веќе беа осудени на смрт во 2015 година. Тие, се разбира, ја обжалија одлуката и „пинг-понгот“ во судовите продолжи до ден-денес. Сега, од правна гледна точка, случајот заврши и обвинетите остануваат со надеж дека ќе ги помилува новиот тајландски крал.