БРУТАЛНО претепан новинар – Го тепал роднина на познат политичар
Познатиот албански новинар и водител Висар Дрмаку бил брутално претепан пред неколку дена, а личноста која му ги нанела тешките повреди е блиска роднина на политичарот Бајрам Косуми.
Дрмаку, инаку сатиричар познат под псевдонимот Гани Гермиа, бил истепан од Ригзона Косуми, син на албанскиот дипломат Исе Косуми, кој е роднина на бившиот премиер на Косово, Бајрам Косуми.
Како што наведува Газета Експрес, на Дрмаку му била поставена стапица, во која тој паднал, па бил претепан.
Новинарот рекол дека не сакал да се дознае за тоа, но фотографијата на која се гледаат неговите повреди ја споделиле пријателите, на кои им ја пратил.
– Ме издадоа луѓето на кои им ја испратив сликата на Фејсбук – напишал Дрмаку.
– Личноста која ме тепаше се претстави како обожавател, а после ме следеше и физички ме нападна – рекол тој.