БРУТАЛНО ГИ ПРЕТЕПА ЖЕНАТА И ЌЕРКАТА: Милан Гуровиќ осуден на 10 месеци домашен затвор
Поранешниот српски кошаркар Милан Гуровиќ направи договор со Третото основно обвинителство со кој призна дека бил насилен кон сопругата и ќерката, и на основ на неговиот исказ е осуден на 10 месеци куќен затвор, објави „Блиц.рс“.
На основ на истата спогодба, на Гуровиќ му е изречена мерка за забрана на пристап до неговата сорпуга и ќерка во траење од шест месеци, која ја потврди судот.
Гуровиќ по два дена поминати во притвор пуштен е на слобода, а службениците од Министерството за правда треба да му стават специјална алка за електронски надзор во просториите во кои ќе ја служи казната.
Поранешниот кошаркарски репрезентативец е уапсен по налог на Третото основно обвинителство под сомненија дека во семејниот стан во наслебата Нови Београд во српската престолнина, во вторникот вечер брутално ја претепал сопругата Тања (43) и ќерката Милица (16).
Како што пренесуваат српските медиуми, брачниот пар првенствено вербално се судрил, а потоа дошло и до физичка пресметка, во која се вмешала и нивната ќерка.
Гуровиќ, кој е во брак со Тања повеќе од две децении и со која има четири деца, тврди дека бил нападнат и дека „сопругата сакала да му го намести“ овој инцидент, бидејќи тој сака да се разведе неколку години, а таа не прифаќа да го направи тоа.
Наводно, како што изјави, Тања која била бесна го нападнала, го плукнала и потоа го путнала. Веднаш потоа, тој ја фатил за главата и ја бутнал од себе. Според него, тоа сѐ се завршило. Тврди дека не ѝ нанел ниту еден удар на сопругата, ниту пак гребнатинката и промените на нејзиното лице – последици од неодамнешната интервенција со ботокс.
Тања Гуровиќ на сослушувањето во полицијата рече дека сопругот ја удиралл со тупаници по главата, дека паднала на земја, како и дека потоа Милан продолжил да ја тепа. Тогаш, исплашена за мајка си, реагирала нивната ќерка Милица, што дополнително го изнервирало поранешниот кошаркар, и детето, како што тврди мајката, „го извлекло подебелиот крај“ со што се здобило со удар во пределот на носот.