Безживотно тело на жена е пронајдено во нејзината куќа во сојузната американска држава Охајо, а властите велат дека за нејзината смрт најверојатно е одговорно едно од двете големи кучиња кои ги чува. Станува збор за данска дога.

Мери Метјуз (49) била толку вознемирена од каснувањето што не сфатила колку ѝ е тешка повредата и затоа не побарала помош, објасни полицијата.

Телото на Мери го пронашле нејзиниот син и сопругот Дејл, кој токму тој ден е пуштен од затворот во областа Ворен.

Кога полицијата на пријавата за можно предозирање дошла на адресата на семејството Метјуз, ѕидовите биле целосно прекирени со крв и телото на жената на подот во бањата.

Телото било прекриено со убодни рани, а дел од ногата ѝ недостасувал. Жената не дишела и телото веќе ѝ било вкочането. Полицијата во еден дел од куќата пронашла две големи, слаби дански доги, а просторот бил толку полн со измет што тие воопшто не можеле да го видат кафезот.

Husband of 49 yo Mary Matthews who investigators say was mauled to death by her dogs tells me he tried getting rid of one of the dogs 3 weeks ago bc it was viscooous but Mary loved the dogs and wouldn’t give them up. @wlwt pic.twitter.com/xaHSKCaAlo

— Karin Johnson WLWT (@karinjohnson) November 4, 2019

Сопругот на Мери изјави дека едно од кучињата е „злобно“ и дека веќе неколку пати напаѓало и каснувало луѓе, вклучувајќи и него. Кучињата се преземени од страна на надлежните за да ги споредат траговите од каснувањата. Како што пренесуваат „NBC news“, кучињата ќе одат на евтаназија.

Дејл исто така рекол дека неговата жена во текот на денот редовно пиела лекови и пиво. Властите заклучиле дека жената веројатно ги исфрлила кучињата откако ја каснале. Убиена е истиот ден кога е пронајдено нејзиното тело.