Холивудската ѕвезда Брус Вилис сè уште може да се појавува во филмови откако минатата година ги продаде своите права за „дигитален близнак“ на американската фирма „Deepcake“, пред да му биде дијагностицирана афазија, која сега може да го користи неговото лице.

Инженерите на веб-платформата за оптимизација на содржината, со помош вештачка интелигенција, создадоа ултра реалистичен „дигитален близнак“ на актерот, поставувајќи фотографии од неговото лице на нивната мрежа, пишува „Daily Mail“.

Сега на инженерите им се потребни само „три до пет дена“ за да го рекреираат Вилис во дизајните, но актерот ќе ја донесе конечната потврда за она што е направено.

„Ми се допадна прецизноста со која е создаден мојот лик. Тоа е мини-филм во мојот вообичаен жанр на акциона комедија“, рече ѕвездата во изјавата на нивната веб-страница. „За мене тоа е одлична можност да се вратам во времето. Со доаѓањето на модерната технологија, дури и кога бев на друг континент, можев да комуницирам, да работам и да учествувам во снимањето. Тоа е многу ново и интересно искуство и му благодарам на целиот наш тим“, додаде Брус.

Продуцентите на „Војна на ѕвездите“ користат „deepfake“ технологија за сите нивни членови на актерската екипа, а и познатите личности како Арнолд Шварценеге, Џим Кери и Мишел Фајфер наводно имаат „дигитални близнаци“.

Брус има уште три акциони трилери што ги сними минатата година пред да се дијагностицира афазија и да се пензионира.