Бруклин и официјално доби нов газда

Бруклин нетс од денеска и официјално има нов сопственик. На местото на Русинот Михаил Прохоров, нов сопственик е Џозеф Цаи, тајванско-канадски бизнисмен кој и досега тој беше сопственик на 49 проценти од акциите на НБА екипата. Цаи на Прохоров му исплати 2.35 милијарди долари за целосна сопственост над НБА тимот.

– Возбудени сме што Џозеф Цаи стана нов сопственик на Нетс. Освен тоа што е голем кошаркарски фан, Џозеф е еден од интернет пионерите во Кина, како и продажбата преку интернет. Неговата стручност ќе помогне да се популаризира НБА лигата во Кина, но и низ целиот свет – изјави комесарот на НБА лигата, Адам Силвер.

Бруклин во текот на летото успеа да ангажира две големи НБА ѕвезди, Кевин Дурант и Кајри Ирвинг, и во наредните неколку години ќе бидат еден од главните фаворити за освојување на титулата во најсилната кошаркарска лига.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот