Бројот на жртвите од Ковид-19 во Грција се зголеми на 43 лица

ФОТО: МИА

Од хоспитализираните лица 72 се приклучени на апарати, додека пак од починатите, 32-ца се мажи и 11 жени, а просечната возраст е 71 година.

Уште пет лица во Грција починаа од коронавирусот со што бројот на жртвите од почетокот на епидемијата се зголеми на 49, додека бројот на заразени лица изнесува 1212, од кои 56 се нови, согласно податоците од Министерството за здравство на Грција, јави дописничката на МИА од Атина.

Бројот на регистрирани нови случаи денеска е речиси двојно помал од вчерашниот и завчерашниот, со фактот дека во изминатите 24 часа, уште 56 лица се заразени со Ковид-19, додека пак вчера и завчера имаше по 95 нови случаи.

Како што соопшти претставникот за Ковид-19 од Министерството за здравство на Грција, професорот епидемиолог Сотирис Циодрас на редовната секојдневна прес конференција, од хоспитализираните лица 72 се приклучени на апарати, додека пак од починатите, 32-ца се мажи и 11 жени, а просечната возраст е 71 година.

Професорот Циодрас и заменик- министерот за цивилна заштита на Грција Никос Хардаљас, уште ја истакнаа важноста сите граѓани да ги почитуваат мерките.

Хардаљас го повтори она што денеска го соопшти и владиниот портпарол дека оваа година за Велигден Грците ќе останат дома, а воедно ги повика Грците, сега кога се зголемува денот и се подобрува времето да се воздржат од непотребни излегувања и движења, бидејќи во спротивно, како што рече, владата ќе биде принудена да преземе построги мерки.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот