Бројот на новороденчиња во Франција падна за 13 отсто во текот на една година
Стапката на наталитет во Франција падна по првпат од 1975 година. Според Националниот институт за статистички и економски студии (ИНСЕЕ), ова намалување „може да се поврзе” со епидемијата на ковид-19, јави дописникот на МИА.
Бројот на новороденчиња регистрирани во Франција во јануари падна за 13 отсто во споредба со јануари 2020 година. Тоа е досега невиден пад од 1975 година, кој „може да се поврзе” со пандемијата Ковид-19, објави ИНСЕЕ.
Бебињата родени во јануари 2021 година се зачнати на почетокот на првото затворање, односно во средината на март 2020 година. Сепак, „контекстот на здравствената криза и големата несигурност може да ги обесхрабрат паровите да не раѓаат деца” или „да ги охрабрат да ги одложат за неколку месеци нивните родителски планови”, Забележува Институтот за статистички студии.