Бројот на луѓе кои се возат со автобуси се намалува: Јавниот превоз во првото полугодие загубил 300.000 патници – Слободен печат
ВестиСкопје

Бројот на луѓе кои се возат со автобуси се намалува: Јавниот превоз во првото полугодие загубил 300.000 патници

Во скопскиот јавен превоз годинава биле превезени над 285.000 патници помалку.

Продолжува трендот на опаѓање на бројот на патници што го користат јавниот превоз во Скопје. Според последниот Финансиски извештај на ЈСП – Скопје, со градските автобуси во периодот јануари – јуни 2019 година патувале 22.271.180 патници, односно за 1,3 отсто помалку во однос на идентичниот период лани, пишува Мета.мк. 

Во скопскиот јавен превоз годинава биле превезени над 285.000 патници помалку.

Бројот на просечно дневно исправни автобуси во првото полугодие изнесувал 262, односно за 20 автобуси помалку во споредба со истиот период од 2018 година.

На само 16 автобуси се намалил и просечниот број на автобуси кои се наоѓаат во резерва за одржување на линиите. ЈСП – Скопје во моментов го финализира тендерот за набавка на нови 30 до 40 единечни и зглобни автобуси, при што во наредните недели ќе се соопшти и производителот од каде ќе се набави модерниот возниот парк.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close