Бројните пожари, силниот ветер и високите температури како да ја најавуваат апокалипсата во Австралија
Силните ветришта кои дуваат на југоистокот на Австралија во градот Милдура кренаа неверојатни облаци со прашина, поради што небото доби портокалова боја, а целиот дел од земјата наликува на сцени од некој апокалиптичен филм, пренесуваат австралиските медиуми.
Жителите на Милдура се соочуваат со сериозни проблеми поради ветерот кој дува со силина од 40 километри на час, а температурите достигнуваат до 40 Целзиусови степени. Згора на сѐ, видливоста е значително намалена бидејќи небото ја прими портокаловата боја.
– Ветерот е остар, а небото портокалово. Ужасно е. Големите облаци од прашина се толку чести што оваа појава стана нормална кај нас – сведочи еден жител на овој град.
There's been apocalyptic like scenes in the state's north-west with a dust storm sweeping through blanketing Mildura. @Brett_Mcleod #9News pic.twitter.com/TAkXpBA05h
— Nine News Melbourne (@9NewsMelb) November 21, 2019
Иако жителите се навикнати ваквите временски непогоди да се појавуваат околу двапати годишно, сега со тој проблем мораат да се борат и по неколку пати неделно.
Инаку, пожарникарите се борат со стотина шумски пожари ширум целиот континент, а огнената стихија се шири и на нови локации, што предизвика нови предупредувања дека е доцна за евакуација на некои жители.
Чадот од шумските пожари стигна и до Сиднеј, а жителите добија предупредувања на децата да не им се дозволува да излегуваат од домовите.
Десетина пожари беснееја на југоистокот на сојузната држава Викторија, каде температурите во Мелбурн достигнаа до 41 Целциусов степен, што е воедно највисока температура уште од 1894 година, соопшти метеоролошката служба на Австралија.
@australian today aus…mildura pic.twitter.com/1evIiHSCZb
— Game_over_guys (@Gameoverguys1) November 21, 2019
Властите исто така ги предупредија граѓаните кои се наоѓаат северно од местото Балaрат дека за нив е доцна безбедно да се евакуриаат.
– Во опасност сте, работите на тоа да се заштитите. Предоцна е да се евакуирате. Најбезбедна опција е веднаш да пронајдете засолниште – соопштија властите.
Досега во пожарите загинаа четири лица, додека изгоре милион хектари на земјиште на фармите и шумите, а притоа се уништени и повеќе од 400 домови.
Според наводите, иако за десет дена официјално започнува летото во Австралија, екстремно високите температури и силните ветрови дополнително ги поттикнале пожарите.
Огнената стихија создаде проблеми и при снабдувањето со електрична енергија, па така во Викторија домовите на многу луѓе останаа без струја. Првпат во последните десет години властите огласија црвен аларм, што значи дека условите се најлоши, пожарот брзо се шири и не може да се контролира.