Бројните болести и здравствени компликации не можат да го победат најстариот американски претседател – Слободен печат
ВестиПланета

Бројните болести и здравствени компликации не можат да го победат најстариот американски претседател

Во октомври тој двапати беше хоспитализиран, по два пада, го повреди своето око и заработи 14 конци над неговата веѓа.

Поранешниот американски претседател Џими Картер, откако само пред една недела беше отшуште од болница, повторно е хоспитализиран за викендот, пренесува Си-Ен-Ен.

Тој повторно морал да биде хоспитализиран поради уринарна инфекција, но веќе се чувствува подобро. Тој минатите две недели ги помина во болница во Џорџија.

– Поранешниот американски претседател Џими Картер се чувствуа подобро и се радува дека ќе се врати дома – стои во изјавата која ја објави фондацијата на Картер.

Картер (95) е примен во болница на 11 ноември поради процедура за намалување на притисокот во неговиот мозок, предизвикан од крварење како последица на неговите неодамнешни падови. Во октомври тој двапати беше хоспитализиран, по два пада, го повреди своето око и заработи 14 конци над неговата веѓа.

Претходно се лечеше од рак на мозокот и на неговиот црн дроб. Својот 95 роденден го прослави на 1 октомври, и тој е најстариот жив американски претседател во историјата, титулата која претходно ја имаше Џорџ Буш, кој почина во 2018 година во својата 94 година. И покрај сериозните здравствени проблеми и бројните компликации, Картер никогаш не престана да биде активен, особено во хуманитарните акции. Тој во моментов живее во Плејнс во сојузната држава Џорџија.

Картер во 1976 година го порази републиканскиот претседател Џералд Форд, за како 39-ти американски претседател да отслужи четригодишен мандат во Белата куќа. Тој во 2002 година доби Нобелова награда за мир, за своите напори за пронаоѓање мирни решенија за глобалните судири.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close