Бидејќи домашниот ајвар се прави само од зеленчук и малку масло, нема многу калории. Содржи протеини, јаглехидрати и масти кои се неопходни за секој здрав организам.

Во 100 грама домашен ајвар, има од 80-130 калории, во зависност од рецептот според кој се произведува. Ако уживате во вкусот на ајварот продолжете и понатаму бидејќи нема да ви ја зголеми телесната тежина, под услов да се консумира умерено.

Ајварот е богат со витамин Ц, кој го има во пиперките, а тој витамин го зајакнува имунитетот и целокупното функционирање на организмот. Богат и со витамин А, кој го има во доматите. Модариот домат, кој е исто така дел од традиционалниот рецепт ја обезбедува потребната количина на витамин Б2 и фолна киселина. Ајварот содржи и корисна количина на растителни влакна. Одличен избор за сите оние кои не јадат свеж зеленчук или салати, како одлична замена.

Вредните нутритивни состојки кои пиперката ги има на телото делуваат како антидепресив, антисептик, диуретик и моќен афродизијак. Црвената, жолтата, зелената, бабурестата, кратката месести или „малите пргави“ пиперки се составен дел од секоја кујна поради вкусот и изобилството на витамини, поради што со право се нарекуваат и природен лек за многу болести.

Единствената грижа е што ајварот оди совршено со бел леб и многу сирење!