Брнабиќ: Вакцинирани 50,1 отсто од полнолетните граѓани во Србија
Премиерката на Србија, Ана Брнабиќ на својот Твитер профил објави дека 50,1 отсто (2.705.458) од полнолетните граѓани во Србија се вакцинирани.
„Поминавме 50 отсто од вакцинирани полнолетни граѓани -моментално 50,1 отсто (2.705.458 вакцинирани). Сурчин, Чуприја, Прешево, Врчац и Прокупље се приклучија на групата од 58 локални самоуправи со над 50 отсто од вакцинираните. Секое вакцинирано лице – поголема сигурност за сите нас. #ВакцинирајСе., напиша Брнабиќ.
Прешли смо 50% вакцинисаног пунолетног становништва – тренутно 50,1% (2.705.458 вакцинисаних). Сурчин, Ћуприја, Прешево, Вршац и Прокупље су се придружили групи од 58 локалних самоуправа са преко 50% вакцинисаних. Свака вакцинисана особа = већа безбедност за све нас. #ВакцинишиСе
— Ana Brnabic (@anabrnabic) August 5, 2021
Бројките на новозаразени од Ковид-19 во Србија постепено се зголемува, некои експерти тврдат дека Србија веќе се соочува со четвртиот бран на коронавирусот и дека а делта сојот полека го потиснува британскиот
Вчера, во Србија беа регистрирани 487 нови случаи на коронавирус, двајца полинати, а најмногу нови случаи беа регистрирани во Белград – 148 заразени.
Директорката на главната ковид болница во Србија, во Батајница, проф. Д -р Татјана Аџиќ Вукичевиќ, изјави за РТС дека податоците се за голема загриженост, бидејќи од релаксирана ситуација во претходните шест недели, кога имаше по 40 пациенти, бројките сега се зголемуваат.
„Имаме се повеќе луѓе кои се вратија од летните одмори, тоа се цели семејства и кои, се разбира, не се вакцинирани. Меѓу нив, на одделенијата за интензивна нега имаме седум млади луѓе на возраст под 40 години, а вчера еден мораше да се интубира“ кажа директорката на болница во Батајница.