Производството на вакцините на „Синофарм“ во Србија е важно за нашиот здравствен систем и исклучително е важно и економски и политички и геостратешки, истакна вечерва српската премиерка Ана Брнабиќ за ТВ Пинк.

Таа додаде дека процесот на имунизација во Србија оди одлично, но би било добро ако оди и побрзо.

– Верувам дека луѓето по селата, во малите средини, немаат навика да одат на порта,лот на е-управа. Си работат луѓето на нивните имоти и затоа ние ќе одиме кај нив, најави Брнабиќ и рече дека со таквите акции е почнато во приградските населби на Белград.

Претседателката на Владата на Србија истакна дека претстојниот викенд ќе биде „затворен“, без забрана за движење, меѓутоа се, освен продавниците за прехранбени производи, аптеките и бензинските пумпи, нема да работи.

Брнабиќ оцени дека таквиот начин е обид за спречување на ширењето и циркулацијата на коронавирусот, но и дека нандобра и единствена мерка за тоа е вакцинацијата.

– Што побрзо се вакцинираме сите, побрзо ќе стекнеме колективен имунитет и ќе се вратиме во нормалниот живот, заклучи Брнабиќ.