Сината боја е прогласена за водечка боја оваа година. Сите нијанси на сина боја се во тренд, а на сината боја не можеше да и одолее ниту Брижит Макрон.

Таа дефинитивно знае како да ги искомбинира парчињата облека, па така нејзините стајлинзи секогаш се за чиста 10-ка. Избраничката на Емануел Макрон, претседателот на Франција, за оваа прилика избра и повеќе од интересен стајлинг.

Монохроматската црна комбинација ја освежи со впечатлив син капут кој одлично им стои на сите блондинки. Генерално сите нијанси на сина боја се одличен избор за дамите со платинеста коса, велат модните експерти.

Ова е доказ како само едно едноставно парче облека може да направи целиот аутфит да добие интересна нота и да изгледа моќно.

Таа стајлингот го надополни со мини торба која ниту малку не е практична, но како што велат дизајнерите многу е симпатична и тренди. Од аксесоарите таа одмори овој пат, а целиот акцент всушност беше ставен на синиот капут. Тој беше центарот на стајлингот.