Британското Министерство за одбрана го објави најновиот извештај на своето воено разузнавање за ситуацијата поврзана со војната во Украина. Руските медиуми, се вели во извештајот, сугерираат дека властите подготвуваат голема кампања за регрутирање чија цел е да регрутира дополнителни 400.000 војници.

Русија, се наведува, планира да регрутира доброволци или професионалци во таа кампања наместо да воведе задолжителна мобилизација. Постои реална веројатност, велат британските разузнавачи, дека во пракса разликата ќе биде нејасна и регионалните власти ќе се обидат да ги заменат нивните стандардни бројки за регрутирање со принудување на мажите да се приклучат на армијата.

Latest Defence Intelligence update on the situation in Ukraine – 30 March 2023.

Find out more about Defence Intelligence's use of language: https://t.co/U2ty7b1e7h

🇺🇦 #StandWithUkraine 🇺🇦 pic.twitter.com/QweoSriH6U

— Ministry of Defence 🇬🇧 (@DefenceHQ) March 30, 2023

Според британските разузнавачи, руските власти најверојатно се одлучиле за т.н „волонтерски модел“ со цел да се заменат загубите на работна сила и да се минимизира противењето на војната на домашниот фронт. Многу е неверојатно дека планираната кампања ќе успее да привлече 400.000 вистински волонтери, се вели во извештајот.

Но, обновата на руските воени капацитети и борбената моќ во Украина ќе бара повеќе од работна сила, се вели во извештајот. На Русија и треба повеќе муниција и опрема отколку што моментално располага, заклучуваат разузнавачите.