Британскиот систем на јавно здравство (НХС) ја издржа пандемијата од коронавирус и има слободни 2295 кревети за интензивна нега, рече министерот за здравство Мат Хенкок.

„Денеска е мачен ден, што се однесува до влијанието на оваа болест, зошто им се придруживме на земјите со повеќе од 10 илјади смртни случаи поврзани со коронавирусот“, рече тој на конференција за новинари.

„На почетокот на кризата луѓето рекоа дека коронавирусот ќе го надвладее НХС. Го видовме ризикот кој тој го носи насекаде, но не и овде“, додаде Хенкок.

Хенкок истакна дека НХС има на располагање 9.775 респиратори и во борбата против коронавирусот учествуваат 5 илјади поранешни вработени во јавното здравство во Британија.

Додека порастот на бројот на смртни случаи од вирусот во Италија и Шпанија се на надолна линија, се е поголем стравот дека Велика Британија ќе стане земја со најмногу смртни случаи од вирусот во Европа.