Британскиот министер за финансии поднесе оставка, Џонсон разреши четворица министри

Џонсон, кој најави дека ќе формира тим за да се исполни неговата визија за Велика Британија по Брегзит, денеска разреши четворица министри, пишува британскиот весник „Лондон Ивнинг Стандард“.

Британскиот министер за финансии Саџид Џавид денеска поднесе оставка, седум недели по Брегзит и еден месец пред да го достави годишниот буџет до Владата.

Портпаролот на Џавид потврди дека тој ја напушта функцијата кога премиерот Борис Џонсон започна со реконструкција на својот Кабинет.

Џонсон, кој најави дека ќе формира тим за да се исполни неговата визија за Велика Британија по Брегзит, денеска разреши четворица министри, пишува британскиот весник „Лондон Ивнинг Стандард“.

Првиот член на кабинетот што го отпушти е министерката за Северна Ирска, Џулијан Смит, што, како што пренесуваат британските медиуми, е изненадувачки потег со оглед на пофалбите што ги доби за неговата улога во решавањето на тригодишната криза за време на која покраината беше без влада и парламент.

Како што пренесува Би-Би-Си, премиерот Џонсон ги разреши од должност и Андреа Ледсом и Естер Меквеј, министерки за бизнис и за домување, како и министерката за животна средина Тереза Вилерс.

Џонсон побарал и од државниот обвинител Џефри Кокс да поднесе оставка.

Ова е прва голема реконструкција на Владата на Џонсон откако тој победи на изборите во декември 2019 година.

Покрај реконструкција на кабинетот, Џонсон треба да го именува и претседателот на Конференцијата за климатски промени на Обединетите нации, што ќе се одржи во ноември во Глазгов.

Планирањето на настаните почна по минатонеделното отпуштање на министерката Клер О Нил, која беше задолжена за организација.

Како што пренесуваат светските агенции, конзервативната администрација на Џонсон сега се соочува со уште еден голем предизвик, бидејќи до крајот на годината треба да постигне трговски договор со ЕУ.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот