1 C
Скопје

Британски, бразилски, јужноафрикански: Што засега се знае за новите соеви на коронавирусот и колку се опасни?

Вирусите постојано се менуваат мутирајќи, а варијациите на вирусот SARS-CoV-2, забележени се ширум светот.

Светската здравствена организација објави дека од досега забележените варијанти, некои се навистина поврзани со преносливоста на коронавирусот, но не и со сериозноста на болеста. Секвенцирањето на геномот било пресудно во идентификување и реагирање на новата варијанта.

Кои се новите варијанти на вирусот?

Европскиот центар за превенција и контрола на болести во моментов е фокусиран на неколку нови варијанти на вирусот.

Британски сој

Британската варијанта стана доминантна во најголемиот дел од Велика Британија и се прошири во повеќе од 50 други земји. Овој сој го карактеризира значително зголемена преносливост. Првичните проценки беа дека овој сој е 50% попренослив од другите, но постои страв дека тој е одговорен за дури 80 % од инфекциите во Лондон.

Јужноафрикански сој

Јужноафриканската варијанта е пронајдена во најмалку 20 други земји, вклучувајќи ја и Велика Британија. Оваа варијанта има 17 мутации, но само една е иста како во британската верзија. Овој сој ги загрижи научниците поради необично големиот број мутации, посебно во протеинот кој вирусот го користи за врзување и зараза на човечките клетки, но сепак тие сметаат дека јужноафриканската варијанта не предизвикува сериозни случаи на ковид-19.

Прочитајте и...  Нови обвинувања против Меган Маркл дека го малтретирала персоналот во палатата

Бразилски сој

Научниците верваат дека бразилската варијанта ќе биде позаразна од досегашните. Оваа варијанта содржи збир дополнителни мутации кои влијаат на способноста на антителата да ги препознаат.

Profimedia

Дали новите соеви се поопасни?

Во моментов не постојат докази дека кој било вид на вирусот предизвикува посериозни болести од порано. Мерките, како што се често миење на рацете, држење дистанца и носење маски, сепак ќе помогнат во спречувањето на заразата, а бидејќи новите варијанти полесно се пренесуваат, важно е да бидеме внимателни.

Дали вакцините сепак ќе имаат ефект?

Тековните вакцини се направени за раните варијанти, но научниците се убедени дека би требало да функционираат и против нови варијанти, иако можеби не толку добро. Во тек се лабораториски истражувања за да се потврди ова.

Прочитајте и...  Повторно ставена во функција модуларната болница во Клиничкиот центар

Дури и во најлош можен случај, вакцините можат да бидат редизајнирани и приспособени – за неколку недели или месеци, доколку е потребно, велат експертите.

Како и со вакцината против грип, на која секоја година се прави промена за да се покријат сите нови промени во вирусите на грип, нешто слично може да се случи и со коронавирусот.

Вакцините го учат имунолошкиот систем да напаѓа неколку различни делови на вирусот, па дури и ако делот со шилестиот врв е мутиран, вакцините сепак треба да функционираат.

– Но, ако дозволите да има повеќе мутации, тогаш постои простор за загриженост. Овој вирус е на пат да избега од вакцината – вели професорот Гупта.

Прочитајте и...  Д-р Драган Даниловски: Мудро е сите патници што се враќаат од земји со јужноафриканскиот сој, да се тестираат пред влез во Македонија

„Бегството од вакцината“ се случува кога вирусот толку се променил што успева да го избегне целосниот ефект на вакцината и продолжува да ги заразува луѓето. Ова е можеби елемент што најмногу загрижува за она што се случува со вирусот.

Поврзани вести

Виц на денот: Ручек

Слободен печат

На денешен ден – 5 март

Слободен Печат

Исповед на Холи Медисон, поранешна зајачица на „Плејбој“: Му бевме бели робинки на Хју Хефнер

Слободен Печат

Ева Мендес призна дека поради мајчинството го занемарила изгледот

Слободен печат

Предности на сокот од јаболка: Поволно делува при проблеми со црниот дроб и бешиката

Слободен печат

ФОТО | Моќниот Корлеоне го стасале годините: Ал Пачино низ улиците на Беверли Хилс едвај препознатлив

Слободен печат

Остави Коментар