Британската кралица Елизабета во недела во 21 часот ќе се обрати во живо од Бакингамската палата поради пандемиајта од коронавирус во земјата.

Бројот на смртни случаи во Велика Британија во последните 24 часа скокна за 684 и сега таму од коронавирус вкупно се починати 3.605 луѓе. Во земјата 38.168 лица се заразени, а 135 се опоравиле.

Обраќањето на англиската кралица е многу ретко, а ова е дури четврти пат во текот на нејзиното 68-годишно влаеење  да им се обрати на граѓаните во текот на некоја криза.

Првпат тоа го направи поради Првата заливска војна во 1991 година, потоа шест години подоцна поради погребот на Принцезата од Велс Дајана, а потоа во 2002 година по повод смртта на кралицата мајка. Последен пат во јавноста во живо се обрати во 2012 година поради Дијамантскиот јубилеј, односно прославата на 60 години на британскиот трон.