Британија со нови рестриктивни мерки: Полициски час за рестораните, казни за неносење маски, свадби и погреби со ограничен број луѓе

Британија од понеделник воведува нови рестриктивни мерки поради големиот пораст на бројот на заразени и од „втор бран“ на вирусот кој почна, како што вечерва рече премиерот Борис Џонсон. За рестораните се воведува „полициски час“ и во 22 часот ќе мора да ја затворат смената, носењето маски е задолжително, а полицијата ќе може да побара воена помош ако биде потребно.

– Мора итно да дејствуваме. Правевме „штит“ околу Британија за да се врати земјата на нозе, но секогаш знаевме дека е реална можноста од втор бран. Како и многу други земји ја достигнавме таа точка, имаме илјадници нови инфекции дневно. Би сакал да кажам дека бројките растат дека повеќе тестираме, но не е поради тоа. Би сакал да кажам и дека сме постигнале „колективен имунитет“, но и тоа не е точно. Само 8 отсто од нас се имуни на вирусот. Драстично се шири меѓу оние од 20 до 29 години, но и другите старосни групи… – рече британскиот премиер во своето обраќање во парламентот и во јавноста.

Прочитајте и...  За спречување на кражби и насилство на протестите по убиството на Афроамериканец: Полициски час во Филаделфија

Тој додаде и дека „бројките ќе продолжат да растат како што доаѓа есента и зимата“ и дека нови мерки мора да бидат воведени.

– Трансмисијата на вирусот е висока. Ова е момент да реагираме, рече тој.

Како што додаде, Британија нема да оди под „комплетен карантин“ како во март, но се воведува „правилото 6“.

– Училиштата и универзитетите ќе останат отворени, ќе обезбедиме повеќето бизниси да бидат отворени, но ги молиме оние кои можат да работат од дома, од дома и да работат. Жал ми е што ова ќе влијае на многу работи кои само што почнаа да застануваат на нозе – рече тој.

Како што истакна, во Британија од сега на свадбите и приемите ќе бидат дозволени максимум 15 луѓе, а на погребите до 30.

Прочитајте и...  Советот за безбедност ќе расправа за состојбата со ковид-19

– Рестораните може да работат до 22 часот, изложбите, спортовите кои се играат внатре како и големите спортски настани од 1. октомври се забранети, рече тој.

Маските од сега се задолжителни за сите продавачи и услужни работници, како и за патниците во такси. Големите казни ќе бидат за сите оние кои не носат маски и за сите работодавачи кои не ги почитуваат мерките, истакна Џонсон.

– Здравјето на сите зависи сега од нашиот здрав разум. Овие мерки ќе траат околу 6 месеци. Засега овој вирус е дел од нашите животи и нашата борба ќе продолжи. Нема да ги слушаме оние кои сакаат траен „карантин“ туку воведуваме умерени мерки за да ги зачуваме животите и да ја зачуваме работата – рече Џонсон.

Прочитајте и...  „Нема зима“ и во време на корона-криза: Млади кинески милијардери заработиле 223 милијарди долари

Тој истакна дека училиштата, универзитетите и црквите ќе останат отворени, дека градилиштата ќе работат и дека повеќето од британската економија ќе продолжи.

Поврзани вести

Новинарот на Слободен печат Тони Димков, еден од добитниците на наградата 13 Ноември

Дуда: Жените треба да имаат право на абортус ако носат фетус со фатални вродени аномалии

Слободен печат

Почна собраниската расправа за ребалансот на Буџетот

Слободен печат

Бочварски: Со Косово работиме на унапредување на регионалната инфраструктура

Слободен печат

Сијарто: Што и да се случи во Западен Балкан, ќе има непосредно влијание врз Унгарија

Слободен печат

Димитров: Со помош на Унијата да обезбедиме подобар и здрав живот за македонските граѓани

Слободен печат

Остави Коментар