Британија и Литванија потпишаа договор за безбедносна соработка

Лидерите на Британија и Литванија/ Фото EPA-EFE/ANDY RAIN Pool

Велика Британија и Литванија денеска потпишаа заедничка декларација за зајакнување на соработката во областа на одбраната и безбедноста.

Велика Британија нагласи дека декларацијата ќе се заснова на одбранбената соработка меѓу двата сојузника на НАТО, засилувајќи го отпорот кон глобалните закани, вклучително и заканите од Русија и Кина.

– Велика Британија и Литванија се две земји кои веруваат во слобода и суверенитет и кои се против авторитарните режими во Европа и во светот. Ние сме заедно со Украина против илегалната, варварска војна на Русија, изјави британската министерка за надворешни работи Лиз Трас.

Со тој договор, Лондон ја зајакнува својата поддршка за нациите кои стравуваат дека рускиот претседател Владимир Путин нема да застане во Украина во обид да ги прекрои европските граници. Загриженоста во балтичките земји за руската агресија се зголемува по инвазијата врз Украина на 24 февруари, како на пример во Литванија, која е и членка на НАТО и поранешна советска држава.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот