Британците одбројуваат до вакцинирање против ковид-19: Првите дози ќе бидат пуштени од вторник
Велика Британија ќе биде прва земја чии граѓани ќе примат вакцина против ковид-19, а првите дози ќе бидат достапни од вторник и тоа прво во болниците, а потоа и во останатите здравствени институции.
Вакцина први ќе примат лицата на возраст над 80 години, здравствените работници, воспитачите и штитениците во домовите за стари и изнемоштени лица, соопшти Националната здравствена служба.
Британија минатата среда итно ја одобри вакцината на компаниите „Фајзер“ и „Бајонтек“. Нарачани се околу 40 милиони дози, а бидејќи секому му се потребни по две, се претпоставува дека ќе бидат вакцинирани околу 20 милиони лица.
Првата недела ќе бидат достапни околу 800.000 дози, а вакцините се веќе пристигнати од Белгија и се чуваат на безбедни локации каде се проверува нивниот квалитет, соопшти британското Министерство за здравство.
