Британците тврдат дека недостигот на војници веројатно ја кочи руската офанзива во Бахмут
Британското Министерство за одбрана објави нов разузнавачки извештај за војната во Украина.
„Недостигот на војници веројатно ја кочи руската офанзива во Бахмут“, велат Британците.
Тие ги преиспитаа тврдењата на руските медиуми дека платеничката група „Вагнер“ запленила фабрички комплекс во северниот дел на градот, велејќи дека „најверојатно тоа сè уште е спорно“.
Latest Defence Intelligence update on the situation in Ukraine – 29 March 2023.
Find out more about Defence Intelligence's use of language: https://t.co/PaAb5bO1If
🇺🇦 #StandWithUkraine 🇺🇦 pic.twitter.com/Gv8rYaPnqw
— Ministry of Defence 🇬🇧 (@DefenceHQ) March 29, 2023
„Руските напади се сè уште на намалено ниво во однос на претходните недели. Едно од клучните достигнувања на неодамнешните украински операции веројатно беше туркањето на руските војници на групата Вагнер од рутата 0506“, соопшти британското Министерство.
0506 можеби е само селски пат, но стана клучна линија за снабдување на украинските војници. Претходно војниците на Вагнер беа на неколку стотини метри од тој пат.
Украинскиот претседател Володимир Зеленски претходно денеска предупреди дека загубата на Бахмут може да резултира со голем предизвик за Украина и може да ја принуди земјата на компромис со Русија.
