Британската принцеза Кетрин вчера објави дека завршила со хемотерапијата, а новиот потег на принцот Хари и неговата сопруга Меган Маркл ја налути британската јавност.

Само неколку часа по објавата на принцезата, Нетфликс објави нов документарен филм за принцот Хари и Маркл. Двојката потпиша договор вреден 100 милиони долари со филмската платформа во 2020 година, а сега се објавени фотографиите од новата документарна серија наречена „POLO“.

Како и со документарниот филм Хари и Меган, зад серијата POLO стои нивната продуцентска куќа „Арчевел“.

„’POLO’ е нова документарна серија која ги следи елитните светски играчи и нуди ексклузивен поглед зад сцената на брзиот свет на спортот“, се вели во официјалното соопштение.

POLO is a new documentary series that follows elite global players and offers an exclusive, behind-the-scenes look at the fast-paced world of the sport.

From Archewell Productions and Boardwalk Pictures, premiering this December only on Netflix. pic.twitter.com/R1uUnXsf0v

— Netflix UK & Ireland (@NetflixUK) September 9, 2024

Од коментарите под објавата, јасно е дека многумина ѝ замеруваат на двојката и на Нетфликс што го објавија ова веднаш откако Кејт објави вест за нејзиното здравје.

„Го објавивте ова токму кога Кејт објави видео за нејзиното завршување на хемотерапијата. Нетфликс е очаен, исто како и членовите на кралското семејство од Тему“, „Зошто го објавивте ова веднаш по прекрасното видео на Кејт? Никогаш не се срамите, толку сте предвидливи“, „Одвратно е тоа што го направивте, немате сочувство“, се некои од коментарите.

Да потсетиме, принцезата од Велс објави дека ги завршила хемотераписките третмани.

„Како што му се ближи крајот на летото, не можам да ви кажам колку ми олесна што конечно завршив со хемотерапија. Последните девет месеци беа неверојатно тешки за нас како семејство. Животот каков што го знаете може да се смени за миг и моравме да најдеме начин да ги пребродиме бурните води и непознатата патека“, објави таа на Инстаграм.

Во видеото се појавува целото семејство, а е снимено во Норфолк, каде семејството го поминало летото. Во триминутното видео, Кејт си игра со принцот Џорџ, принцезата Шарлот и принцот Луис. Во еден момент може да се види како лежи прегрната со принцот Вилијам на ќебе.