10 C
Скопје

Брисел нема ништо против најавата на Австрија да се сврти кон Израел за анти-ковид вакцини

Брисел не се противи на земјите членки да водат преговори со други производители на вакцини, одговорија денеска портпаролите на Европската Комисија на новинарско прашање.

Како што јави дописничката на МИА од Брисел, иницијативите на поединечни земји членки да преговараат за вакцини на своја рака не е спротивно на правилата на ЕУ сѐ додека не станува збор за преговори со производителите на вакцини покриени од стратегијата на ЕУ за вакцини.

Австрија и Данска најавија дека ќе се свртат кон Израел за вакцините од втора генерација поради бавниот процес во ЕУ.

На денешниот брифинг во Европската Комисија портпаролите изјавија дека земјите членки се слободни да преговараат надвор од рамките на ЕУ, но нагласуваат дека процесот ќе се забрза.

Прочитајте и...  Европол: Трговијата со дрога е најголемата криминална активност во ЕУ

– Имаме стратегија за вакцини со шест компании и преговараме со две други. Она што е зад овие преговори е дека ние заедно преговараме, земјите членки и Европската Комисија, и не треба да има паралелни преговори со производителите покриени во оваа стратегија, но за оние што се надвор од стратегијата ништо не ги спречува земјите членки на ЕУ да дискутираат за други вакцини, изјави Стефан Де Керсмакер, портпарол за здравство.

Надвор од ова Европската Комисија одбива да ги коментира изјавите на официјални лица од земјите членки за ефикасноста на процесот на вакцинација во ЕУ и нагласува дека до ова лето е уверена дека ќе се постигне целта да биде вакцинирано 70 отсто од возрасното население во ЕУ.

Прочитајте и...  Здружението на правници Роми ќе поднесе кривична пријава за инцидентот во Кочани

Европската Комисија инсистира исто така дека Европската агенција за лекови дава гаранции за ефикасноста и безбедноста на вакцините што ги одобрува.

Поврзани вести

Лондонската полиција уапси маж кој носел секира на улица

Слободен печат

Запленета рекордна количина дрога на хрватско пристаниште: Околу 500 килограми кокаин скриени во контејнер со банани

Слободен печат

Богатството на Џек Ма се зголеми за 2,3 милијарди долари за само еден ден

Слободен печат

Силен земјотрес од 5,2 степени регистриран кај грчките острови Нисирос и Кос

Слободен печат

Инцидент „тежок“ 916 милиони долари: Властите на Суецкиот канал бараат од сопственикот на бродот да ја плати оштетата

Слободен печат

Кривична пријава за насилство врз дете во Кочани

Слободен печат

Остави Коментар