Брисел ги обвинува Србија и Косово за меѓусебно провоцирање

EPA-EFE/STEPHANIE LECOCQ

Еврокомесарот за проширување, Јоханес Хан, одговори на жалбите на вицепремиерот на Косово, Енвер Хоџај и министерката за евроинтеграции, Дурата Хоџа, по проблемите што се појавија со Србија во врска со регионалната средбата на младите којашто се планираше да биде одржана минатиот месец во Приштина, пишува Коха Диторе.

Меѓутоа, Хан во неговото писмо, освен Белград, ја критикуваше и Приштина за ризикување на регионалната соработка,  особено одлуката на Косово за воведување на такса од 100% за српските и босанските производи.

„Регионалната соработка, мир и помирување зависат од посветувањето на сите страни, храброста и политичкото лидерство. За жал, тоа што го видовме во последниот период е против сето тоа, особено постапките на меѓусебна провокација на Белград и Приштина последните месеци.“ пишува во писмото на Хан.

Според Коха Диторе, за содржината на писмото информиран е и косовскиот премиер Рамуш Харадинај од страна на Шефот на ЕУ во Приштина, Наталија Апостолова.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот