Селекторот на машката ракометна репрезентација, Данило Брестовац принудно направи две дополнителни измени на списокот на повикани ракометари за претстојниот собир во пресрет на квалификациските натпревари против Исланд за пласман на ЕП 2020.

Ново име во репрезентацијата е Мартин Манасков, ракометарот на Пролет кој е повикан како замена за повредениот Горан Крстевски од Еурофарм Работник, а на ракометарите им се приклучува и голманот на Металург, Мартин Томовски.

Собирот на ракометари е закажан за в понеделник, а првиот натпревар со Исланд се игра на  10 април во Рејкјавик, а четири дена подоцна двете селекции ќе се сретната повторно, овој пат во Скопје.