Селекторот Данило Брестовац, на подготовките во пресрет на настапот на Европското првенство, контролните натпревари ги играше без капитенот Кире Лазаров.

Лазаров и останатите интернационалци добија поштеда и не играа на „Трофеј Карпати“ кон крајот на декември, туку тие на репрезентацијата се приклучија на 2 јануари и третиот дел од подготовките кои се одржаа во Словенија. Македонија ја последните две контроли против Словенија и Црна Гора играше без капитенот Кире Лазаров.

– Јас искрено би сакал Лазаров да игра постојано, да игра 60 минути на натпревар. Но, да бидеме реални, Кире е во поодминати години и сепак природата си го чини своето. А, ние мора да го почитуваме тоа. Затоа неопходно е и јас како селектор да ги почитувам размислувањата на Лазаров. Факт е дека ние сме 60-70% подобри со Кире во тимот, но има 40 години и ние тоа мора да го почитуваме – вели Брестовац.