Брестовац: Победата над Чиле може да биде позитивен знак
Селекторот на ракометната репрезентација на Македонија, Данило Брестовац, е задоволен од победата над Чиле на Мундијалот во Египет што значеше пласман во наредната рунда и нови три натпревари, против Словенија, Русија и Белорусија.
Брестовац смета дека со победата и пласманот во наредната рунда се намалува притисокот врз ракометарите.
– Да бидам искрен, не се сомневав дека ќе го победиме Чиле. Кога се ќе се собере и одмземе – ова беше тимска победа во која секој си го даде оптимумот. Триумфот над Чиле може да биде позитивен знак, да направиме чекор напред, па во следните три меча да влеземе порастоварено, затоа што нашата цел е остварена и ќе може да играме без голем притисок. Она што го очекувам е да се наметнеме со некој квалитет, борбеност и дисциплина и да покажеме нешто што не го покажавме претходно. Овие играчи имаат мала минутажа во клубовите, носат позитивен притисок затоа што играат за националниот тим, ама со нив мора да бидеме и потрпеливи – вели Брестовац.