Италијанско-американската компанија „Брера Холдинг“ денес објави дека ја купува Академија Пандев.

Вакво нешто се најавуваше и претходно, а сега добивме и официјална потврда. Во потврдата се објавува дека Академија Пандев во иднина ќе се ребрендира во ФК Брера.

„Ова е примерот на Брера Холдингс за имплементација на својата меѓународна стратегија, која паралелно ќе форсира ширење и промоција на брендот Брера ФК во Источна Европа. Со купувањето на Академија Пандев и ребрендирањето во Брера планот е да се зголеми тимскиот напредок, а местото е идеално за да се подготват фудбалерите за меѓународниот пазар и да се остварат приходи од настапите во УЕФА“, стои соопштението од компанијата.

Пандев во 2010 година ја основаше Академија, прво како младинска школа, а потоа и со сениорски тим, кој во 2019 година го освои Купот на Македонија, а минатата сезона беше виепрвак. Пандев е независен член на Бордот на директори на „Брера Холдингс“.