Во пријателски натпревар како подготовка за новата натпреварувачка сезона 2021/2022 денеска екипата на Брегалница со убедлив резултат 3:0 (1:0) успеа да слави против Силекс.

Штипскиот прволигаш ја затресе трипати кратовската мрежа преку Мартин Стојанов, Бобан Георгиев и Љупче Кудев.

Тоа беше успешна проверка за играчите на тренерот Марјан Секуловски кој во првото прволигашко коло на 8 август од 17.30 часот е домаќин на Шкупи 1927.

Претходно тимот имаше успешни реализирани подготовки на Златибор каде што Секуловски беше задоволен од реализираното во српскиот подготвителен центар каде против црногорските Морнар и Искра Даниловград, како и против српскиот прволигаш Бачка Паланка, и едно реми (2-2) со Графичар од Белград.

Тест дуелот против Тиквеш беше откажан, па останува да се види дали штипската екипа ќе одигра уште некој пријателски меч во текот на следната седмица за темпирање на формата пред официјалниот старт на новата прволигашка сезона.

Вардар и Победа одиграа меч пред повеќе од 2000 гледачи на стадионот „Гоце Делчев“