„Брдо“ мегапиксели: Новата Sony Xperia ќе има дури шест камери
Најверојатно Sony подготвува нов модел на својот Xperia смартфон, кој би требало на задната страна да има дури шест камери.
Овие информации неодамна на Twitter ги објави Max J., кој сега ги дополни, исто така со непотврдени, информации за карактеристиките на идниот уред.
Новата Xperia, според него, би требало да има една камера со резолуција од 20 мегапиксели и отвор на блендата од f/2,4, потоа камера од 8 мегапиксели со отвор на блендата од f/2,4, 48-мегапикселна камера со варијабилен отвор на блендата од f/1,2 дo f/2,4, камера од 12MP со варијабилен отвор на блендата од f/1,2 дo f/2,4, 16-мегапикселна камера со отвор на блендата од f/2,4, како и ToF камера со резолуција од 0,5 мегапиксели.
As I mentioned last week there’s going to be a new Sony phone. Today I heard some things regarding it’s camera specs:
The specs might be different in the final product do to this device still being in development. The images are based on imagination.
Enjoy the specs!? pic.twitter.com/pKWR7L9dTT
— Max J. (@Samsung_News_) June 18, 2019
Функциите на споменатите камери засега се непознати, но сосема е сигурно дека барем една од нив ќе биде широкоаголна. Постои можност телефонот да има и една монохроматска камера.
Покрај шестте „главни“ камери, претходно се појави информација дека идниот Sony Xperia ќе има систем од двојна предна селфи камера, кој ќе се состои од главна камера од 10 мегапиксели и секундарна ToF камера од 0,3MP.