Бразилецот Роналдо по забавите одеше директно на тренинг, Роналдињо имаше дискотека во сопствената куќа
Поранешниот бразилски репрезентативец Зе Роберто открива пикантерии за некогашните колеги.
Бразилецот Зе Роберто кој и завршувањето на кариерата пред три години, продолжува со спортскиот живот и вежбањето. Тој кариерата ја заврши на 43 години, а според изгледот на телото без проблем може да игра до својата 50. година.
Тој неодамна се спореди со Кристијано Роналдо, односно му зададе предизвик на Португалецот кој исто така е неверојатен фитнес фанатик да игра професионален фудбал и во петтата деценија.
– Мислам дека сум во предност во однос на него. Доколку игра фудбал како мене во ред, ќе признаам дека е подобар од мене во физичката подготвеност – вели Зе Роберто.
Бразилецот кој има 46 години беше активен фудбалер се до пред три години и во 23 години долгата кариера има играно за Баерн Минхен, Реал Мадрид, Баер, Хамбургер и неколку бразилски екипи, а кариерата ја заврши во Палмеираш.
За тоа време играше со едни од најдобрите фудбалери на сите времиња како што се бразилците Роналдо и Роналдињо кои се целосна спротивност од него.
– Роналдо ги обожуваше забавите и ноќниот живот. Навечер ќе отидеше на забава, а потоа по непроспиена ноќ ќе се појавеше на утринскиот тренинг и тогаш работеше како животно. Што се однесува до Роналдињо, тоа е друга приказна. Рони имаше дискотека во својата куќа – открива Зе Роберто.